పెంచిన విద్యుత్ ఛార్జీలను తక్షణమే తగ్గించాలి
లేకుంటే పోరాటం ఉదృతం చేస్తాం..
పేదవాడి నడ్డి విరిచే ప్రభుత్వాన్ని ఎక్కువకాలం ఉండనివ్వం.
మధురవాడ : వి న్యూస్ ప్రతినిధి :డిసెంబర్ 23:
ఆంధ్రప్రదేశ్ భారతీయ జనతా పార్టీ రాష్ట్ర అధ్యక్షురాలు పురంధరేశ్వరి ఆదేశాల మేరకు భీమిలి నియోజకవర్గం జోన్ 2 పరిది 7 వ వార్డ్ మధురవాడ వద్దగల విద్యుత్ ఉపకేంద్రం వద్ద భీమిలి నియోజకవర్గం భాజపా కన్వీనర్ కంటుభుక్త రామానాయుడు ఆధ్వర్యంలో సుమారు వందమంది నాయకులు,కార్యకర్తలు ధర్నా చేపట్టారు. సందర్భంగా ఆయన మాట్లాడుతూ పేదవాడి నడ్డి విరిచే ఈ ప్రభుత్వం ఎంతోకాలం ఉండదని, అన్ని రంగాల్లో ఈ ప్రభుత్వం ధరలు పెంచిందని ముఖ్యంగా పెంచిన విద్యుత్ ఛార్జిలు తక్షణమే తగ్గించాలని డిమాండ్ చేశారు. బిల్లు చూస్తేనే ప్రజలకు షాక్ కొడుతుందని ఎద్దేవ చేశారు. ఈ కార్యక్రమంలో పసుపులేటి శ్రీనివాసరావు, సత్యనారాయణ,ఉప్పాడ అప్పారావు, పోతిన పైడిరాజు, తాటిపూడి ప్రదీప్, ప్రసాద్ పట్నాయక్,పి ప్రదీప్,కే సునీత, మరియు పెద్ద ఎత్తున కార్యకర్తలు అభిమానులు పాల్గొన్నారు..
