ఆంధ్రా క్రికెట్ అసోసియేషన్ 70వ వ్యవస్థాపక దినోత్సవం

 ఆంధ్రా క్రికెట్ అసోసియేషన్ 70వ వ్యవస్థాపక దినోత్సవం

 పియం పాలెం వి న్యూస్ జులై 15

 ఆంధ్రా క్రికెట్ అసోసియేషన్ (ఏసీఏ) 70వ వ్యవస్థాపక దినోత్సవాన్ని విశాఖపట్నంలోని ప్రతిష్టాత్మక జీవీఎంసీ జోన్ టు పరిధిలోని 6వ వార్డ్  డాక్టర్ వైఎస్ రాజశేఖర్ రెడ్డి ఏసీఏ వీడీసీఏ క్రికెట్ స్టేడియంలో ఘనంగా నిర్వహించారు.  ముందుగా జాతీయ పతాకాన్ని, మరియు ఏసీఏ లోగో పతాకాన్ని ఎగురవేశారు. తదుపరి పర్యావరణ పరిరక్షణకై మొక్కలు నాటారు అనంతరం ఏసీఏ ఏర్పాటు, 18 టాప్-క్లాస్ గ్రౌండ్స్, రెసిడెన్షియల్ అకాడమీలు, ఆంధ్రా ప్రీమియర్ లీగ్ ప్రారంభం, మహిళా టి20, మాజీ రంజీ ప్లేయర్‌లకు మద్దతుతో సహా కీలక అంశాలను గోపీనాథ్ రెడ్డి  తెలిపారు.

 

సెక్రటరీ  గోపీనాథ్ రెడ్డి  ఏసీఏ  యొక్క విశేషమైన 70 సంవత్సరాల ప్రయాణాన్ని సూచిస్తూ ఆంధ్రా క్రికెట్ అసోసియేషన్ ప్లాటినం జూబ్లీ ఇయర్ లోగోను ఆవిష్కరించారు.  ఈ కార్యక్రమంలో భారత్‌కు తొలి టెస్టు కెప్టెన్‌, ఏసీఏ తొలి రంజీ కెప్టెన్‌ అయిన సీకే నాయుడు విగ్రహానికి పూలమాల వేసి నివాళులర్పించారు.ఈ కార్యక్రమంలో క్రీడాకారులు మరియు సిబ్బందితో పాటు ఏసీఏ మరియు  వి డి సి ఏ నుండి అధికారులు పాల్గొన్నారు.